WÄA WIE SENT
ONSE VISION UN MISION
ONSE WIEETEN
ONS GLOOWENS BEKJANTNISS
Gott:
Wie jleewen aun dän eenjen, heiljen un leewenden Gott, de doa voll von Herrlichkjeit, Krauf un Weisheit es, de doa enne Eewje Dreeenichkjeit läft aus Voda, Sän un Heilja Jeist. Gott, de Schepfa un Erhoola von dän gaunzen physischen un jeistlichen Universum, haft een Valangen met ons Jemeenschaft to fläjen.
Schepfa:
Wie jleewen, daut aule Menschen nom Ebenbilt Gottes jeschaufen sent; see haben eene Fäichkjeit, moralische Entscheidungen to moaken. An es uk de Ve'auntwuatunk jejäft äwa de Schepfunk to harschen. Gott velangt, daut aulet Meschlichet Läwen en de Famielje aunfangt, woa Maun un Fru unja Gott fa daut gaunze Läwen fabungen sent.
De Menschen-Faul:
Wie jleewen, daut Sind, een Onjehorsam es, jäajen Gott siene Jebooten, woont met de Rebelion von Soton aunfunk, un dan von Adam un Eva derch äare friewelje Entscheidung nojefolcht worden es, derch de se entscheiden Gott onjehuarsom to sennen. Derch Sind es aulemaun* (dän Wellen Gottes kortjekoomen), woaderch en Konflikt met Gott, met sikj selfst un met aundre opjestoonen es. De Strof fa de Sind es kjarpalicha un jeistlicha Doot.
De Bibel:
Wie jleewen, daut dee Bibel daut "von Gott enjejäwde un onfafälboare Wuat Gottes" es. Daut es dee eensje Autorität fa Gloowen un Läwen. Gottes Oppenboarunk em Oolen Testament, derch dee Schepfunk un dän Bunt, wia eene Fäabereedunk fa dee werkliche Oppenboarung em Nieen Testament derch Jesus Christus.
Jesus Christus:
Wie jleewen aun Gott dän Sän, dän Herrn Jesus Christus, dee gauns Gott un gauns Mensch wia. Hee moak ons Gottes Jebooten kloa, läwd een sindlooset Läwen, storf aum Kjriez om unse Sinden to betoolen, stunt kjarpalich vom Doot opp, fua nopp noom Himmel un es Herscha un Rejiera äwa aules.
Erleesunk:
Wie jleewen, daut Jesus aule Sinden betolt haft derch sien Doot, un doawäajen haben aule Meschen de Mäajlichkjeit erleest to woaren derch Jnod un wäajen äa Gloowen aun Am.
CONFERENCIA MISIONERA EVANGÉLICA
ONSE LEIDASCH
Wie jleewen daut Jesus jekomen es siene Kjoakj to grunden un dise kjoakj es sien läwenja Kjarpa opp dise Welt. Un daut es wuarom onse Leidasch blooss Deena sent woone doa selfst en eene persenliche Jemeenschoft met Gott läwen, om daut Jesus kaun de väaschta Leida sen äwa siene Kjoakj. Onse Leidasch deenen flietich om Gott siene Kjoakj auntoleiden, om daut een jiedra eena kaun een woarhauftja Nofolja von Jesus woaren.
"Dit deed hee om aul Gott siene Kjinja toom Christendeenst reedtomoaken, wuaderch Christus sien Kjarpa (daut es de Jemeent) jebut woat, bat wie aula to eene Eenichkjeit em Gloowen un Erkjantnis aun Gott sienen Sän komen, daut wie volstendje Menschen en Christus sent, soo wiet daut Christus bie ons eent un aules es." Efeesa 4:12-13.