BOOTSCHOFTEN
.jpeg)
Es daut emma goot to bliewen waut wie jelieet sent oda sul wie no waut nieet utsenn? Waut meet wan Jesus aules nie moakt un meent daut ons uk? Aul dise un fäl oundre Froagen woaren en dise Rieej von Bootschoften jeaunwuat.
Doa wie mol eene Wienachten dee aules vaendat haft. De Welt wia em Kjricht jewast vom Sindenfaul em Goaden Eden, un sogoa wan Gott haud eenem fasproaken de sull Fräd brinjen, aus dis Radda enne Welt kjeem feeld sikj daut nich nu Fräd wäls de Fient wia unruhich un doll aube Gott haud jewonn. Daut es fandoag noch krakjt soo, doa es Kjrick enne Welt auba Fräd en de janje waut aun Jesus vetruen.
Wuescht du jleichen ene Ehe to han waut doa bliecht un scheen jeit?
Aus jie lang oda kortz befriet sent, aus daut scheen ooda schlacht jeit oda aus du noch nich mol befriet best, dise Bootschoften woaren die halpen un een bätret Bilt un Hopninj jäwen fa een goodet Ehe Läwen.
Wundasch du noch mol aus doa mea to Läwen es aus waut du bat hia erfoaren hast? Hast du Angst fa waut nieet proowen ooda sogoa toom Jesus met dien gaunzet Hoat to vetruen? En dise Rieej von Bootschoften derch daut Buak von Hebräa woascht du de Auntwuat finjen. Diene Auntwuat haft een Nomen un de Nomen stät äwa aule Nomen.
Best du uk so aus väle Menschen de jieren muchten waut grootet äariekjen em Läwen aube daut schient so aus wan du daut nich foadich brinjen kaust? En dise Rieej von Botschoften woascht du seenen wo du mea aus en goodet Ziel bruks auba kjliene Aunjewanheiten, om een groota Endruck to moaken.
En dise Riej von 3 Botschoften “De Desch” lod wie die en to seenen wo Gott ons roopt trigj to komen no sien Desch woa he met jieda Mensch well eene perseenliche leewende Jemeenschoft fieren. Jesus roopt die trigj to koomen wäaemma du best, wautemma du jedoonen hast un moracht wan du nich sien Kjint best. He lot die uk en, met siene Kjinja, en Eenichkjeit, rom disen Desch Jemeenschoft to haben auba uk aundre no sien Desch to brinjen om siene Säjen to erfoaren.
Aus Läwens Kjoakj hab wie eene Vision woa wie han wellen auba wie haben uk eene Mision wo wie doa wellen hankomen. Dise Mision es Jleewen, Waussen, Deenen un Gonen. En dise Riej von Botschoften erkjläa wie waut wie doamet meenen.
Hast du mol so jefeelt daut daut Christenläwen, de Kjoakj un de Bibel selfst so kompleziet sent daut ‘et toom Meed woaren es, Senn to moaken doavon? En dise Rieej von Bootschoften woa wie nich mau bloos seenen wuarom du so feelst, oba uk waut Gott sien eefachet Ziel von Fäaren bat Hinj en de Bibel es. Un woo äwa aule Moten dia un eefach dit aula wudd senn, wan wie dän Punkt von de Bibel mol sagen so aus Gott wull han wie sullen daut seenen.
Wan du so best jelieet so aus fäle Menschen, dan hast du jeliet daut Deepen un Owentmol mot wie doonen om een Poa Stoopen noda komen nom Himmel. En dise Botschoften woat die kloa woaren no de Bibel no woaren wie deepen un Owenmol fieren sullen.
Halp fa dee de sikj selfst nich halpen kjenen un Frieheit fa dee de unjadrekjt woaren. En dise Riej von Botschoften “Unjare Dakj” openboa wie jeheemne Sinden de ons Volkj vedoawen. Wie bäden Gott sien Wellen oppe Ieed so aus em Himmel un spräkjen Jerachtichkjeit, Frieheit un Heelunk äwa ons Volkj
Doa es eene Person von de Dreenichkjeit Gottes woone wie foaken nich en Betrach nämen wan wie von Gott räden, un doch es de so Jrintlich wichtich. “De vejätne Gott” es eene Riej von 2 Botschoften woa wie räden von de Wichtichkjeit von wäa de Heilja Jeist es, aus de äwarhaupt en die läft ooda waut wie erwarten kjennen von am.
Beleidich senn es eent von Soton siene Wäaj derch woone he väle Veheltnissen sogoa tweschen Christen enne Familje un enne Kjoakj kaun vestieren. En dise Riej von Bootschoften woat Ben ons wiesen wo jefäadlich Beleidjunk es auba uk wo eena doavon loos komen kaun.
Wan du so best aus de mieschte von ons dan sorchst du die äwa väl veschiedene Dinja em Läwen woa du nuscht met doonen kaust. Kaust du daut jleewen daut Gott die beroopen haft toom en frädenvollet Läwen to läwen onen Sorjen? Un wan du dit nicht deist, sorj die nicht. En dise korte Serie von "Sorjen un Gott" woa wie die halpen to vestoonen woo dit to doonen.
Wie sent nich mo bloos eene Kjoakj met kjliene Gruppen, wie sent kjliene Gruppen net eene Kjoakj. Ons es daut wichtich daut wie nich mo bloos aum Sindach toopkomen auba uk derch de Wäakj woa wie daut perseenlich moaken un een jiedrem eene Stemm jäwen uk no een jiedrem horchen.
En dise Rieej von Bootschoften "Gott un ekj" kjikj wie no daut Veheltnis tweschen Mensch un Gott un woo wie kjenn daut wichtichste Dinkj em Läwen kloa kjrieen.
En dise Rieej von Bootschoften "Gott roopt die" räd wie von woo Jesus siene Kjoakj mau dan waussen kaun, wan wie aula weeten wäa wie sent, wuatoo wie hia sent un dan oppstonen un daut doonen wuatoo wie beroopen sent.
“Sest kjeen Aundra” es eene Rieej von 3 Bootschoften fa jieda Mensch oppe Welt. Wan du aul lang best een Christ jewast ooda du nichmol weets waut daut äwahaupt meent, dise Botschoften woaren die halpen. Hia woa wie seen woo Jesus un sest kjeen Aundra daut eensje es waut du brucks om een goodet un schafjet Läwen to haben un moracht woo nom Himmel to komen.
Kaust du shia nich jenuach Goodet doonen um daut Gott un Menschen woaren tofräd sennen met die? En dise Rie von Bootschoften "Nia Wien, nie Ladadasch" räd wie von dän Unjascheet tweschen een Jesaz Läwen un een Jemeenschoft Läwen. Religion un Jesus paussen nich toop. Wuescht du jleichen to prüfen aus du een Läwen läfst von Jesaz ooda Jnod? Dise Bootschoften kjenn die halpen jrod daut daut to doonen.
Best du een Sklow von diene Vegangenheit? Hast du irjent waut jedonen met waut du die schämst un du jleefst daut Gott kaun die nich vejäwen? Ooda drachst du die noch emma met Weedoag rom waut Aundre die han met wee jedonen? Soton sajcht du woascht von dit nienich frie woaren; oba daut es ne Lieej! Jesus sajcht: "Wan jie woaren de Woarheit kjanen lieren, dan woa jie WERKJLICH FRIE. Well wie dise Woarheit kjanen lieren.
Best du uk eenjemol meed jeworden von Kjoakj? Daut jeff soo väl veschiedene Kjoakjen opp de Welt, un dee jleewen meist aula see sent de rajchte ooda dee eensje. Äwadäm weet wie nich mea aus ne Kjoakj een goodet Dinkj es. En dise Rieej von Bootschoften "Groote Kjoakj" halpt Pr. Tocayo ons denkjen woo sea wichtich de Kjoakj es en Gott siene Uagen.
En dise Serie von Bootschoften "Staut oppen Boaj" woa wie seenen woont de Uasoak es wuarom Gott siene Kjoakj noch emma opp dise Welt haft. Wie jleewen daut de Kjoakj dee eensja physischa Kjarpa es waut Jesus opp dise Welt haft. Un doawäajen jleew wie uk, daut, daut Licht waut de Welt fält, blooss derch disen Kjarpa no äare Heima un Hoaten jespiejelt woaren kaun. Wan de Kjoakj em Licht waundelt un en Eenichkjeit unjarenaunda met sikj omjeit.
Hast mol jewundat wäa du werkjlich best ooda wuarom du äwahaupt opp dise Welt best? En dise Serie von Bootschoften "Em Himmel un oppe Ieed" woat Pr. Tocayo ons derch dän Efeesa Breef leiden un de deepe Woarheiten erkjläaren äwa waut Gott von ons sacht un woo wie läwen sellen.
Wie sent en eene Tiet wua Menschen en Angst läwen äwa waut de Tookunft helt un daut helt ons väl mol opp von goodet dreemen fa de Tookunft. Hia en dise serie "Dreema Hoat" lia wie daut wie nicht blooss dreemen kjennen oba sellen, je noda de Tiet toom Enj kjemt. Wie seen derch Joseph sien Läwen woo wie derch een Droom derchhoolen kjennen bat wie kjrieen waut Gott ons vesproaken haft.
Wie weeten aula daut Wienachten sikj om daut Bäbe Jesus haundelt. Oba en dise Serie "Waut en de Welt Gott ons jeeft" lia wie waut Gott ons werkjlich jeeft aus Hee ons sien ieejnen Sän, Jesus, aus een Jeschenkj jeeft un woo jesäajent wie sent derch dit Jeschenkj.
En dise Rieej von Bootschoften "Toop" lia wie waut Gott sien Plon fa een befriedet Läwen es un waut wie kjennen doonen daut befriet sennen kaun scheen goonen, eendoont woa wie ons befinjen en onse Leew meteenaunda.
Feelst du noch mol so aus wan jie de ensje Elren sent waut nich seja jescheide oda sogoa onjehorsame Kjinja haben? Elren seenen es väl mol schwoa. Oba en dise Serie "Jesunde Elren, Jesunde Kjinja" woascht du lieren waut jie kjennen doonen om daut Kjinja optrakjen nicht mol bäta schauft oba sogoa scheen jeit.
Aundre von
Tocayo Guenther
Hia sent noch mea praktische, mootmoakende Bootschaften von Tocayo Guenther.
Aundre von
David Martens
Hia sent noch mea praktische, mootmoakende Bootschaften von David Martens.
Aundre
Aundre Bootschaften von Läwens Kjoakj
WÄAKJLICHE BOOTSCHOFTEN
Wan du worscht jleichen onse Bootschoften aule Wäakj aun WhatsApp to kjrieen dan drekj opp disen WhatsApp nop toom die enschriewen
Ooda subscribe die to onsen YouTube Channal wan du worscht jleichen entowoaren wan onse nie Bootschoften aun YouTube aunkomen.
