Wie jleewen nich blooss aun eene groote Kjoakj to sennen oba uk daut wie aula sullen Poat sennen von eene Kjliene Grupp, so daut wie kjennen Frind un Famielje sennen. Doawäajen hab wie väle kjlandre "Läwens Gruppen" woone sikj derch de Wäakj en äare Hiesa vesaumlen. Wie wudden die/junt jieren en eene von onse Gruppen nenn nämen.
Jemeenschoft
Aus Läwens Gruppen kom wie toop om äten, spälen, lachen un roaren un enfach bloos Frind sennen. Wie sent jemoakt fa Jemeenschoft.
Jinjaschoft
Hia halp wie ons omzeicht to waussen derch Bibel Studium un aundre jeistliche Aktivitäten toom mea so woaren aus Jesus. Wie wellen emma waussen un Jinja moaken.
Deenst
Hia deen wie ons omzeicht en onse Läwens Grupp auba uk aus Grupp deen wie daut jratre Poat von Jesus sie Kjarpa. Wie sent aula Methalpa un nich Metfoara.
Evangelisatzion
Aus Läwens Grupp see wie doano daut wie de goode Norecht von Jesus no de brinjen de doa noch veloaren sent. Wie läwen enne Mission.
Aunbädunk
Aus Läwens Grupp kom wie toop om Gott siene Jäajenwoat to erfoaren un onse Leew to am utspräakjen derch sinjen, bäden, danken un Gott preisen. Wie wellen eene persenliche Jemeenschoft haben met Gott.
"Un see bleewen bestendich en de Apostel äare Lia un Jemeenschoft, biem Brootbräakjen un em Jebäd."
Aposteljeschicht 2:42
Wan du wuescht jleichen Deel to nämen aun eene Läwens Grupp
Wie loden die en met onsen Läwens Gruppen Pastor (David Martens) to räden so daut wie die kjennen Rot jäwen woone Grupp wudd goot sennen fa die.
Foon oda schriew aun WhatsApp:
674-107-4537
